Ba Daidai Bane A Rinka Daukar Hoto A Gaban Kabarin Annabi Alaihis Samu.
……Inji Prof Sheikh Umar Sani Fagge.
Babban malamin addinin Musulunci a Nigeria Farfesa Umar Sani Fagge ya bayyana cewa ba daidai bane a rinka daukar Hoto a gaban Kabarin Manzon Allah SAW dake Madinatul munawwara saboda ladabi a gare shi tare da girmamawa. Tun da cewa Manzon Allah SAW yayi Wafati. (Amman Yana Raye).
Shehin malamin wanda ya shahara wurin wa’azantar da daukacin al’umma ilmin addini wurin ladabi ga Annabi ﷺ.
Malamin Da Yaga ANNABI (S.A.W).
Wannan bawan Allah malamin addinin islama ne kuma mabiyin darikun sufaye a cikin mafarkin sa yaga Manzon Allah SAW, sai ANNABI Muhammad (S.A.W) yace da shi: Mun aje maka waje nan cikin Birnin Madina.
Bayan ya tashi daga bacci ya tabbatar da wannan zance na Annabi ﷺ ne, sai yayi niyyan tafiya aikin hajji a wannan shekarar, kuma ya rasu a birnin Madinatu munawwara.
ALLAH KA BAMU ALBARKACIN MASU ALBARKA. Amiin Yaa ALLAH.
Daga: Sufi Media Connect
Sayyadi Alhaji Ibrahim Sheikh Dahiru Usman (Khadimul Faidha) Ya Ziyarci Kasar Niger.
Sheikh Ibrahim Sheikh Dahiru Usman Bauchi R.T.A Ya Halarci Fadar Shugaban Kasar Niger a Office Na Prime Minister Na Kasar Niger Don Tattauna Muhimman Abubuwa da Suka Shafi Addinin Musulunci Da Cigaban Al’umma Baki Daya.
Allah Ya Kara Wa Sheikh Dahiru Usman Bauchi Lafiya Alfarmar Manzon Allah S.A.W. Amiin Yaa ALLAH
“Alhamdu lillahi!
Wata baiwar Allah mai suna Chidiebere ta karbi Addinin Musulunci jiya a babban masallacin juma’a dake garin Enugu dake Yankin Iyamurai.
Addinin Musulunci yana samun karbuwa sosai a wannan yanki na Kudu maso gabas wanda mafi yawan mutanen dake zama a yanki ba musulmai bale.
Allah ya mata albarka ya tabbatar damu akan wannan ADDINI na gaskiya albarkan Annabi Muhammadu ﷺ.
Ya kara mata kwarin guiwa da yakini don tabbatar da imanin ta. Amiiiin Yaa ALLAH
ALLAHU AKBAR: Khuɗubar Annabi S.A.W Ta Ƙarshe Da Yayi Wa Al-ummarsa A Ranar Arafat 9 Ga Watan Zul-Hijja.
Daga Zaharaddeen Gandu
Annabi Muhammad S.A.W yayi khuɗubar ta ƙarshe ga al-ummarsa a ranar Arafat 9 ga watan Zhul-Hijja, ya yi khuɗubar a shekarar10 bayan Hijrarsa daga Makkah zuwa Madina.
Ya gudanar da Khuɗubar a saman Dutsen Arafat, wadda wannan khuɗubar ta kasance khuɗubar ƙarshe ta Manzon Allah S.A.W, inda Fiyayyen Hallita ya cigaba da khuɗubantar da al-ummarsa cewa;
“Ya ku mutane! Ku bani hankalinku domin mai yiwuwa ba zan sake kasancewa da ku bayan wannan shekarar ba, saboda haka! ku saurari abin da nake gaya maku da kyau kuma ku isar da abin da zan gaya maku ga waɗanda basa wannan wuri a yau”.
“Ya ku Mutane! kamar yadda kuka riƙi wannan Wata na Aikin Hajji da wannan rana ta Arfa, da kuma wannan gari na Makka da girma kuma abin tsarewa, to haka kuma ku riƙi ran Musulmi da dukiyoyinsu da girma abin karewa”.
“Ku maida wa Mutane kayan da suka baku Amana, kar ku cuci kowa, kar ku yi zalunci, saboda kar wasu su cuce ku, ku tuna fa, haƙika Allah zai yi sakayya a kan ayukakanku, Allah (SWT) ya hana cin riba, (wato kuɗin ruwa) saboda haka duk abin da aka ƙulla ta kuɗin ruwa sai an warware shi”.
“Ku yi hattara da Shaiɗan domin kiyaye Addininku yanzu kan ya fidda ran ɓatar da ku a kan manyan abubuwa na saɓo, saboda haka ku guji bin shi a kan ƙanana”.
“Ya ku jama’a haƙiƙa kuna da haƙƙi bisa matayenku amma suma suna da haƙƙi bisa kanku, to haƙƙinsu ne a kanku da kuciyar da su sannan ku tufatar da su a kan jin ƙai. Ku bi da su kyakkyawar biyarwa, ku kuma tausasa musu domin su majiɓintan al-amurran ku ne kuma mataimakan ku, hakki ne a kansu da kar su yi abota da duk wanda ba ku so kuma su nisanci zina”.
“Ya ku jama’a ku yi kyakkyawan bauta ga Allah (SWT) ku tsaida salloli biyar (5) na farilla, ku azumci watan Ramadan, ku bada Zakka, ku aikata Aikin Hajji in har kun sami damar yi”.
“Ku sani fa, ko wanne musulmi ɗan uwan Musulmi ne, dukkan ku dai-dai kuke da juna