NASIHA

KARAMAR SHEHU ABULFATHI

 

 

Yana daga cikin karamar da Allah ya yiwa Maulana Shehu Ahmad Abulfathi RTA, ya keɓance shi da wasu halaye sannan ya gadar da halayen ga dukkanin Almajiran sa da masoyan sa na gaske, halayen sune:

 

1. RASHIN JAYAYYA: Duk wanda ka gani a halarar Shehu Abulfathi, daga ya’yan sa zuwa almajirai da masoya, ba zaka same su da jayayya ko musu akan abinda bai shafe su ba, shiyasa ake cewa suna da taurin kai, saboda duk abinda shehi ya tarbiyantar dasu a kai, ba zasu saki su kama na wani ba.

 

2. KAWAR DA KAI: Sam ba zaka same su da kula da aibonin jama’a ba ballantana su dinga zurfafa bincike don tono aibobin, in a gaban su zaka yanka ka soya ka cinye, ba zasu kalle ka ba ballantana su kai maganar ka wurin wani.

 

3. WADATAR ZUCI: Yana wahala ka same su da bibiyar mutum don abin hannun sa, hasalima komi talaucin su a zahiri, kallon wadatattu ake musu saboda sirrin wadatuwar halarar Shehu Abulfathi RTA.

 

Wallahi ban dauke maka kowa ba, duk wanda yace maka ya jingina da Shehu Abulfathi kuma ka same shi yana musu da mutane akan sha’anin rayuwa ko addini, ko ka ga yana bibiyar aibobin mutane, ko ka ga yana yawan roƙo da shishigi ga masu kuɗi ko mulki, to ɗayan biyu ne, Imma dai ƙarya yake yi bai da alaƙar ruhi tsakanin sa da shehi, ko kuma halarar shehi bata tare dashi (salbu), Allah ya tsare mu.

 

ALLAH KA ƘARA MANA SOYAYYAR SHEHU ABULFATHI NA HAKIKA, KA GADAR MANA DA SIRRIN SA. Amiiiin Yaa ALLAH

 

✍️ Sidi Sadauki

ASARORI GUDA TARA (9) DA ZASU SAMEKA IDAN KA RASA SALLAR ASUBAH ACIKIN JAM’I.

 

 

1. Asarar samun kyakkyawar shaida daga Allah cewar kai kubutacce ne daga chutar Munafurci.

 

ANNABI (S.A.W) “Mafiya nauyin salloli akan munafuqai sune sallar asubahi da sallar isha’i”.

 

2. Asarar babban sanadin shiga Aljannah : ANNABI (S.A.W ) yace “Wanda ya sallaci salloli masu sanyin nan guda biyu, zai shiga Aljannah” _(Sanyayan salloli sune sallar asubah da sallar la’asar”.)

 

3. Asarar samun tsira daga shiga wuta. ANNABI (S.A.W) yace “Duk wanda yayi sallah kafin fitowar rana da kuma kafin faduwarta bazai shiga wuta ba”.

 

4. Asarar samun kulawar Ubangiji : ANNABI (S.A.W) yace “Wanda ya sallaci sallar asubah, to yana cikin alkawarin Allah. ”

 

5. Asarar samun ladan Qiyamul Laili baki dayansa : ANNABI (S.A.W) yace “Wanda ya sallaci sallar isha’i acikin jam’i, yana da ladan tsaiwar rabin dare. Wanda kuwa ya sallaci sallolin isha’i da asubahi acikin Jam’i, to yana da lada kamar wanda yayi tsaiwar dare baki dayansa”.

 

6. Asarar haduwa da Mala’iku da kuma samun shaidarsu : ANNABI (S.A.W) yace : “Akwai Mala’ikun dake bibiyar juna acikinku, wasu Mala’ikun da daddare, wasu kuma da rana.

 

Kuma suna haduwa ne alokacin sallar asubahi da la’asar. Sannan wadanda suka kwana acikinku sai su tafi zuwa sama, Sai Allah ya tambayesu alhali ya fisu sani, “Shin yaya kuka baro bayina?”.

 

Sai suce “Mun barosu alhali suna yin sallah kuma yayin da muka zo garesu ma mun samesu ne suna yin sallah”.

 

7. Asarar samun haske da kyalkyali aranar Alkiyamah : Annabi (S.A.W) yace : “Kayi albishir din samun cikakkken haske aranar Alkiyamah ga wadannan dake yin tafiya zuwa Masallatai acikin duhu”.

 

8. Asarar samun lada wanda yawansa da girmansa yafi duniya da taskokin cikinta : ANNABI (S.A.W) yace “Raka’atayil Fajri (raka’o’i biyu da akeyi kafin sallar asubah) tafi alkhairi fiye da duniya da abin cikinta”.

 

Wannan fa ladan sallar nafila lr asubah kenan, to yaya kuma darajar sallar farillar asubah da kanta ?.

 

9. Asarar alkhairai da albarkoki masu yawa, ga kuma asarar lada.

 

ANNABI (S.A.W)yace “Da ace mutane sun san abin dake cikin sallolin isha’i da sallar Asubah da sun rika zuwa garesu koda da jan-ciki ne (ko rarrafe).

 

Wanda ya zauna agida bai halarci sallar asubahi acikin jam’i ba, ya samu ribar barci da minshari mai yawa.

 

Amma Muminai kuma sun ribaci lada mai yawa wanda yafi duniya da kayan cikinta.

 

Allah Yasa Mudace Duniya Da Lahira Bijahi Rasulillahi (S.A.W). Amiiiin Yaa ALLAH.

NASIHA ZUWA GA YAN’UWA TIJJANAWA

 

Don Allah mu girmama junan mu, Maulana Sheikh Ahmad Tijjani R.T.A. yace alaka mai kyau tsakanin mu.

 

Yan Tijjaniyya yafi wuridodinta domin su Wuridodinta idan sun wuce zaka iya ramawa Amma idan Alaka ya baci to Fa komai ya lalace

 

Mu saka Tijjniyyan a gaba fiyeda komai Karka bari wani Abun Duniya yasaka ka barar da Wannan hanya Mai tsadan gaske da Shehu nammu suka dora mu Akai Idan kai.

 

Dan Tijjaniyya kuka samu sabanin ra’ayi Akan wani Abu na harkar Duniya da wani da’nuwanka karku yarda Wannan Abun ya haifarmuku da gaba a tsakaninku kowa yayi nasa koda a Cikin Tijjniyyan ma dama kowa da

 

Shehin sa da mashayansa haka itama Sal-salan dariqa kowa da nasa don Allah ya’nuwa mu kiyaye mu girmama Juna karku Raina manya Sirrin a hannun su take muyi biyayya sai mu Samu Albarka Mai yawa Allah shiyi mana Jagora don Alfarmam Ma’aiki S.A.W. Amiin Yaa ALLAH.

 

Sayyidi Abubakar Ibrahim

HUDBAR ANNABI S.A.W A KAN WATAN AZUMI

DAGA TASKAR UMAR CHOBBE

 

Ya Ku Mutane! Hakika watan Allah (Watan Ramalana) yazo muku da albarka da rahama da kuma gafararsa. Wata ne wanda a gurin Allah shine watan da yafi kowane wata, kuma ranakunsa su ne mafiya kyawun ranaku, haka nan dararensa su ne mafiya kyawun darare, kana kuma ranakunsa su ne mafiya kyawun ranaku, sannan kuma awoyinsa su ne mafiya kyawun awowi.

 

Shi wata ne da ake kiranku zuwa ga bakuntan Ubangiji. A wannan wata an zabe ku ku zamanto masu samun falalar Ubangiji. Numfashinku a cikinsa ibada tasbihi ne. Kuma barcinku a cikinsa ibada ce. Kuma ayyukanku a cikinsa karbabbu ne. Haka nan kuma addu’oinku a cikinsa abin karba ne. Don haka ku roki Allah Ubangijinku na kyakykyawan niyya da kuma tsarkakakkiyar zuciya da Ya ba ku daman azumtarsa da kuma karanta littafinSa. Hakika shakiyyi shi ne wanda aka haramta masa gafarar Ubangiji a cikin wannan wata.

 

Lalle yayin azuminku ku tuna da yunwa da kishirwar Ranar Tashin Kiyama ta hanyar yunwa da kishiruwan da kuke ji a cikin wannan wata. Ku taimaki fakirai da masakan cikinku. Ku girmama manyanku, kuma ku ji tausayin na kasa da ku, ku sada zumunci a tsakaninku, ku kiyaye harsunanku da kuma ganinku daga abubuwan da basa halalta ku gansu da jinku. Ku ji tausayin marayu don kuma a ji tausayin ‘ya’yayenku a lokacin da suka zama marayu. Ku tuba wa Allah daga zunubanku, ku daga hannayenku sama don rokon Ubangiji a lokutan sallolinku, don wannan (lokacin) shi ne mafi cancantan lokacin da Allah Madaukakin Sarki Ya ke duban bayinSa da rahama, Ya amsa musu idan sun kira Shi, kuma Ya biya musu bukatansu idan sun nema.

 

Ya Ku Mutane! Kun daure hankulanku da soyace-soyacen zukatanku, don haka ku ‘yantar da su ta hanyar neman gafara. Kun daura wa bayanku abubuwa masu nauyi, don haka ku sauke wannan nauyi ta hanyar tsawaita sujadanku, ku fa san cewa Allah Madaukakin Sarki Ya rantse da daukakansa cewa ba zai azabtar da masu sallah da sujada ba, kuma barai sanya su cikin wuta ba a ranar tashin kiyama.

 

Ya Ku Mutane! Duk wanda ya shayar da wani mumini mai azumi a cikin wannan wata, to Allah Zai ba shi lada tamkar wanda ya ‘yanta wuyaye da kuma gafarta masa zunubansa da suka gabata. Sai Sahabbai suka ce: Ya ANNABI (S.A.W.) ba dukkanmu ne za mu iya hakan ba! Sai ya ce: Ku kiyaye kawukanku daga koda kuwa ta kwayan dabino ne, Ku kiyaye kawukanku daga wuta koda kuwa da bakin ruwa ne, don kuwa Allah Zai saka kan hakan ga wanda ba shi da wani abin da yafi hakan.

 

Ya Ku Mutane! Daga cikinku duk wanda ya kyautata dabi’unsa a cikin wannan wata, to yana da lamuni tsallake siradi a ranar da duga-dugai suke zamewa. Haka kuma duk wanda ya saukaka wa abin da hannunsa na dama ya mallaka (bayi) cikin wannan wata, to Allah zai saukaka masa hisabinsa. Duk wanda ya kare sharrinsa cikin wannan wata, to Allah Zai kiyaye shi daga fushinSa a ranar da za su sadu. Kuma duk wanda ya sada zumunci a cikin wannan wata, to Allah Zai isar masa da rahamarSa a ranar da zai sadu da Shi. Haka nan kuma duk wanda ya yanke zumunta a cikin wannan wata, to Allah Zai yanke masa rahamarSa a ranar da za su sadu. Kuma duk wanda ya yi nafilolin salla a cikin wannan wata, to Allah Zai rubuta masa barranta daga wuta. Haka kuma duk wanda ya yi wani aiki na wajibi (farilla) a cikin wannan wata, to Allah Zai ba shi ladan irinsa duba saba’in (70,000) da ya yi a wani watan na daban (wanda ba Ramalana ba). Kuma duk wanda ya yawaita yi min salati, to Allah Zai nauyaya mizaninsa (sikeli) a ranar da mizanai suke fadowa kasa (wato suke dawowa kasa saboda rashin nauyi). Duk kuwa wanda ya karanta wata aya ta Alkur’ani, to yana da ladan wanda ya karanta dukkan Alkur’ani a wani wata na daban.

 

Ya Ku Mutane! Hakika kofofin aljanna a bude suke a wannan wata, don haka ku roki Allah da Kada ya rufe su a kanku. Haka nan kuma kofofin wuta a rufe suke, don haka ku roki Allah da kada ya bude su a kanku. Kuma shaidanu a kame suke, don haka ku roki Allah da kada su sami galaba a kanku, Allah yasa Damu za’ayi Wannan Azumin Mai Albarka.

 

Allah ya karbi Ibadun mu gaba daya wanda zamuyi acikin watan mai Albarka

 

Allah ya gafartamana zunuban mu Gaba Daya Albarkan Annabi S.A.W. Amiin Yaa ALLAH

 

Daga: Sayyadi Umar Chobbe

FALALAN AZUMIN WATAN SHA’ABAN DAGA TASKAR UMAR CHOBBE

 

ANNABI Muhammadu ﷺ yace wanda yayi azumin Alhamis na farkon watan da Alhamis na karken watan sha aban ’’ Wannan Allah zai shigar dakai Aljanna

 

Annabi yace duk wanda yayi azumi guda daya acikin watan sha aban

Allah ya haramta jikinka daga shiga wuta kuma zaka zama makocin annabi yusifa acikin Aljanna Kuma Allah zai baka ladan Annabi ayuba da annabi dawudu

 

Annabi yace idan kuma kayi azumin watan gaba daya Allah zai sauwakye maka mayan mutuwa Kuma Allah zai tun kude maka duhun kabari kuma zai sauwake maka tan bayan Munkarun da nakiri

 

Kuma Allah zai sanya maka sutura aranan kiyama randa kowa zai tashi tsirara saidai wasu daga cikin bayinshi wanda yatsabesu

 

Allah mun gode maka daka zuba mana soyayyar Annabi Muhammadu s,a,w Allah kabiya buka tunmu.

 

Allah duk wanda yaga rubutunnan yayima annabi salati Allah kasa baya mutuwa sai yaje madina ya ziyarci Annabi Dan girma da martaba da kallan da Allah yayima Annabi afadanshi ran israi da mi iraji

 

Allah ya karbi ibadun mu albarkan ANNABI S.A.W. Amiiiin Yaa ALLAH