NASIHA ZUWA GA AL’UMMA MUSULMI
CHIEF MUFTI OF NIGERIA MAULANA SHEIKH SHARIFF IBRAHIM SALEH ALHUSSAINI RA. YA NASIHA MAI GAMSARWA ZUWA GA AL’UMMA MUSULMI MUSAMMAN SHUGABANNIN A NAJERIYA KAMAR HAKA;
– SHUGABANNIN
– YAN SIYASA
– YAN MAJALISU
– YAN KASUWA
– MALAMAI
– IYAYEN YARA
– ALKALAI
ALLAH YA KARAWA MAULANA SHEIKH SHARIF IBRAHIM SALEH LAFIYA DA KUSANCI. AMIIN
ƘALUBALEN DA SUFANCI KAN IYA FUSKANTA NAN GABA.
A bisa al’ada, sufaye ko sufanci ba su da ƙalubalen da ya wuce MUNKIRAI da MUNKIRANCIN SU.
Shi munkiri shine Wanda bashi da ilimin sufanci, baya kan tafarkin su, ko kuma yana dauke da kiyayyar su a zuciyar sa, kuma yake ƙin yarda ko isgili ko shishigi akan abinda ya shafi Sufanci alhalin bashi da hasken imanin da zai fahimce ta.
Amma nan gaba, matsalar da sufanci za ta iya fuskanta ba daga wurin maqiyya ko munkirai bane, daga wurin masu da’awar sufanci ne wayanda ba su da ma’arifa a kirjin su, sai a kwakwalwar su (ilimin littafi).
Wasu daga cikin wayanda ake yiwa kallon jagorori a sufanci a yau, suna kokarin daura matasa akan ilimin littafi a cikin lamarin sufanci, ba tare da kokarin daura su akan tafarkin yawaita zikiri fiye da haddace littafin ba, hakan kuma kuskure ne domin Shehu Gibrima yana cewa “MAN LA WIRDA LAHU, LA WARIDA LAHU” wato Duk wanda baya wuridi/azkar (na taraqqi), babu waridi (kwaranyar ilimi daga Allah direct) gare sa.
Da wannan waridin ne sufaye suka bambanta da sauran al’ummar Annabi, domin suna kara samun haske daga Allah akan abinda kai dasu kuka sani wanda kai baka samu.
To ire-iren wayannan matasa, sune zasu dinga hawa mumbari nan gaba suna da’awar su sufaye ne, suna ƙaryata AHWAL saboda karantawa suka yi amma basu ɗanɗana ba, ballantana su gaskata abinda ma’abota AHWAL din suka ji ko suka gani ko suka faɗa. Sai dai kaji suna cewa “Ba haka sufi wane ko Shehu wane yace abu kaza yake ko akeyi ba”, amma su a gashin kansu, ba zasu iya bayanin “experience” din su akan abun ba.
Da wannan nake so in ja hankalin matasa irina, Ilimi shine jagorar dukkan ayyuka tabbas, amma idan bai samu muhalli a zuciya ba, muddin a kwakwalwa ya tsaya, toh duk abinda hankali bai fahimta ba, ma’abocin ilimin nan ba zai aminta da wannan abun ba. Shi kuma Sufanci gaba dayansa, aikin IMANI ne ba Hankali ba.
Sannan masu bada ijaza, su ji tsoron Allah su duba cancanta kamar yadda aka duba cancantar su aka basu ba tareda sun tambaya ba. Kuma Kai da aka ba ijazar, kaji tsoron Allah ka nemi cikakkiyar sani akan aiki da ita, ka jarraba komai akan ka, kasan ta ka fahimce ta kafin ka daura ya’yan jama’a.
Allah ka cigaba da tsarkake mana Tijjaniyyar mu, ba domin mu ba, don hidimar Shehu Abulfathi da aminan sa a gidan Shehu Atiku RTA.
✍️Sidi Sadauki
Ya Ku Shugabanni Ku Sani Allah Zai Tambaye Ku Kan Yadda Kuka Tafiyar Da Mulkinku”
Masu mulki ku tashi ku sauke nauyin dake kanku na kare rayukan al’umma da dukiyoyinsu, ku sani daidai da yunwa da ƙishin ruwa idan talaka ya ji sai Allah ya tambaye ku gobe ƙiyama balle rayuka da dukiyoyi.
…..Inji Sheikh Sani Khalifa Zaria.
Allah ya kawo mana zaman lafiya a kasar mu Nijeriya da sauran kasashen Musulmi. Amin.
DAGA SHEIKH MANSUR IMAM KADUNA.
” Duk kungiyoyi da kuke gani ake bude wa da sunan Tijjaniyya duk yaudara ne kawai, ana amfani da yawan ku ne a sayar da ku a wajen yan siyasa a zagaya a karbi kudade ku kuma a bar ku kuna ta Inyass Inyass kuna Zikiri a rana”
“Su kuma da sun amshi Kudi sai su tafi London ko Umra”
“Idan sun je Umrar ma ba Ibada suke yi ba hotel suke kamawa suyi ta Chin Nama har su dawo”
“Ta inda zaka tabbatar da hakan idan za ayi taron ba a karanta tarihin Shehu Tijjani ko Na Shehu Ibrahim, ana haduwa yabon yan Siyasa kawai za ayi ta yi”
” Amma maganar nan kwakwata basa so ana yin ta sai kuma muda muke yin sun gagara daukar Mataki”
” Saboda haka idan zaku hankalta Ku hankalta ku bi Allah ku Rabu da Kungiyoyin nan”
Yayi bayanin haka a Karatun Littafin Hikamu Ada iyya, Darasi na 12.
Allah ya karawa Maulana Sheikh Imam Mansur Kaduna lafiya da daukaka. Amiin
YA KAMATA GOBNATIN NIGERIA TA FITO TA DAFA MASA BISA IRIN SADAUKARWAR DA YAKEYI, DUK DA BA MURADINSA HAKAN BA.
Jami’an tsaro zasu huta daga kashesu da sanya rayuwarsu cikin hatsari da akeyi, talakawa zasu samu kwanciyar hankali da nutsuwa, Alkalai zasu huta da kawo musu shara’oin kisan kai tare da dangoginsa masu rikitarwa, Gobnatin tarayya zata huta daga ware makudan kudade domin siyo makamai a kasafin fannin tsaro, muddin yunkurin da ya dauko ya dore.
Domin lallai ne shi ainashin tushen matsalolin da suke haifar da wadancan matsalolin na sama yake kokarin kawarwa a aikace, wadanda suka kare cikin “RASHIN KULAWA DA MASU RAUNI, KARSHE SU TASHI SU ADDABI AL’UMMAR DA TA WATSAR DASU KUMA SU ADDABETA.
Ina bibiya bibiya na tsanaki, cikin zantuka da ayyuka na fitattun mutanen da suka sadaukar da karfinsu, lokacinsu da kuma tunaninsu akan magance matsalolin al’umma, amma lallai shi din a irin wannan lokacin ya fita na daban, domin irin zantukan zaburarwa da yakeyi a Majalisan da yakeyi na Qafilatul Mahabba, wallahi ba zantuka bane na zallar shauki face zantukane na zallar kishinsa, zallar tsagwaran begensa akan tayaya al’ummar yau zata zamo silar dakile matsalolin al’ummun da da za suzo nan gaba.
kamar dai yadda duk ababe masu amfani da ayau muke alfahari dasu, to wasu daga magabatan jiyane suka sadaukar da lokutansu, tunaninsu, kudinsu da kuma damarsu wajen samar mana su.
Duk da ALLAH da dafa masa ko a halin yanzu an cimma tarin nasarori daga soma yunkurinsa na ganin ya tallafawa Gobnati da Al’umma baki daya da irin damar da yake da ita, wajen kokarin assasa Majalisai a karkashin wannan gidauniya ta “QAFILATUL MAHABBA” ta hanyar fito da Maudu’ai da kuma ayyukan da zasu zamo silar magance matsalolin da kasa ke ciki, dama wanda zaizo nan gaba.
To amma lallai Gobnati irinsa ya kamata ta tallafawa da duk abinda ake da muradi domin fadada cimma wannan manufa, domin wallahi wannan manufar tasa, da aikin da ya dauko cikinsa muke jiwo kamshin samun zaman lafiya mai dorewa da kuma ci gaba ta dukkanin fuskoki na rayuwa.
ALLAH YASA HAKAN YA TABBATA ALFARMAR MANZON ALLAH (S.A.W). AMIIN YAA ALLAH.
DAGA: MuhammadRead More »