RASUWA

Inna’lillah Wa’inna Ilaihir Raji’un 😭😭

Allah ya karbi rayuwar malamin Musulunci Sheikh Lawan Isa Mai Dala’ilu dake Minna.

An yiwa Sheikh Malam Lawan Isa Mai Dala’ilu Dake Minna (Limamin Masallacin juma’a Tunga dake Minna jihar Niger)

An gudanar da Sallar JANA’IZA kamar yadda Addinin Musulunci ya tanadar a babban addinin masallacin juma’a dake Tunga Minna jihar Niger.

Allah ya jikan sa da rahma ya gafarta masa ya jaddada rahma a gare shi Albarkacin Manzon Rahma SAW. Amiin Yaa ALLAH

Daga: Babangida A. Maina

Tijjaniyya Media News

An tono gawar limamin Masallacin Juma’a na Rigasa tare da Dansa dake jihar Kaduna.

Lamarin ya faru ne tare da ɗansa Muhammad Zangina waɗanda suka rasu kimanin shekaru 7. Duk a jihar Kaduna.

An tono su ne sakamakon hanyar mota express da ta biyo ta kan su wacce gwamnatin jihar Kaduna ke ginawa a unguwar Rigasa kuma bayan tono su da nufin sake musu Kabari sai aka ga tankar yanzu-yanzu.

Sannan kuma aka fito dasu daga Makara za’a saka su Kabari don kuwa har ƙamshin Turaren da ake sawa gawa bai gushe daga jikinsu ba

Muna fatan Allah ya sa mu cika da imani Ameen.

Innalillahi Wa Inna Ilaihi Raji’un

… Mahaifin Sayyada Zainab Ambato Ya Rasu.

Allah ya yiwa Malam Adamu Husain Garo mahaifi Ga Sayyida Zainab Ambato Rasuwa

Za’a yi jana’izar sa da misalin karfe 10:00 na safe a gidan sa dake unguwar Rijiyar Zaki layin Dorawar Yankifi taransifoma ta uku. A cikin Girnin Kano

Allah ya jikansa da rahma ya bashi firdausil a’ala. Amiiiin Yaa Allah.

Tijjaniyya Media News

Takaitaccen Tarihin Goni Sayyadi Mahir Abdulrahman Nguru Mai Diwani (1983-2023).

An Haifi SAYYIDI MAHIRU MAI DIWANI a Cikin Garin NGURU(Jihar Yobe) Tsatso (Ɗa) Ne Ga Babban Sahabin/Almajirin MAULANA SHEHU MUHAMMADU NGIBRIMA (R.A) Wato SHEIKH MUHAMMADU KIME(R.A).

SAYYIDI Yayi Karatun Al-Qur’ani Tsangaya a Garin GEIDAM a Zawiyyar Sheikh Ainoma(Anan Ya Samu Al-Qur’ani),

Daga Bisa Ni Ya Tafi Birnin MAIDUGURI a Ci Gaba Da Neman Ilimi, Anan Ne Ma Ya Haɗu Da Shahararren Makarancin Diwanin Nan Wato SHEIKH JIBRIL ADDAIF, Inda Ya Zauna a Karƙashinsa Na Wani Lokaci.

SAYYIDI Daga Karshe Ya Dawo Gida(Nguru) Yayin Da Mutan Gari Suka Fara Farga Da Baiwar Da SAYYIDI Ya Dawo Da Ita, Sai Aka Yi Ta Kai Masa Caffa, Gayyata Ta Ko Ina(Ya Zo Ya Rera Diwani), Cikin Ƙanƙanin Lokaci Muryar Diwanin Sayyidi Ta Karaɗe Ko Ina.

SAYYIDI Ya Samu Tafiya Birnin KAOLACK (Senegal) a Shekarar 2019, Inda Ya Ziyarci MAULANMU SHEHU IBRAHIM NIASSE(R.A), Kuma Ya Karanta Diwanin SHEHU(R.A) a Gaban AHLIN SHEHUN(R.A).

SAYYIDI Yayi Wafati Ya Bar Yara Bakwai(07).

Muna Addu’ar ALLAH(S.W.T) Ya Kiyaye Bayansa, Ya Albarkaci Abin Da Ya Bari.

ALLAH Ya Ƙara Haskaka Makwancin SAYYIDI, Ya Ƙara Masa Kusanci Da SHUGABA(S.A.W).

Muma ALLAH Ya Kyauta Namu Ƙarshen Don Albarkar SAYYIDUL-WARA(S.A.W). Amiin Yaa ALLAH.

Daga: Othman Muhammad

Allah Ya Yiwa Sheikh Nasir Muhammad Nasir (Wazirin Kano Mai Murabus) Rasuwa Yau.

Sheikh Nasir Muhammad Nasir Wazirin Kano Mai Murabus Shine Kuma Limamin Waje, Ya Rasu A Jihar Kano.

Za’a Gudanar Da Sallar Jana’izan Sa Yau Laraba Da Misalin Karfe 9:00 Na Yamma A Gidan Sa Dake Kofar Kudu Gidan Sarki A Garin Kano.

Allah Ya Karbi Bakwancin Sa, Ya Jaddada Rahma A Gare Shi. Amiiiin Yaa ALLAH.

Tijjaniyya Media News