SHIN YA GASKATA CEWA” ITA DIN NA DAGA ZURIYAR MANZON ALLAH (S.A.W)” KO AKASIN HAKAN..?

SHIN YA GASKATA CEWA” ITA DIN NA DAGA ZURIYAR MANZON ALLAH (S.A.W)” KO AKASIN HAKAN..?

SARAUNIYA ELIZABETH II.

Tun bayan da gidan jaridar “Al Ousboue” ta kasar Morocco ta fitar da labari dake hakaito cewa, Lallaine Sarauniyar England Elizabeth II, ta kasance Jikanyar MANZON ALLAH (S.A.W) a zageyen tsatso na 43, wannan labari ya tada hazo a gidan Malaman Tarihi, ko da yake wasunsu sun tafi akan baza’a gaskata ba, duk da babu cikekkiyar hujjar korewa.

Amma a gefe guda Malaman tarihi kamar Harold B. Brooks-Baker, mawallafin littafin “Burke’s Peerage”, ya karfafa tare da gaskata wannan ikirari na wannan jarida ta silar Zaida ta “Salibiyun” wato Seville, wata gimbiya Musulma, wacce akaci garinsu da yaki, aka kame ta a matsayin baiwa, karshe ta koma Kristanci kuma ta kasance daya daga cikin matan Sarki Alfonso VI na Castile, amma sai dai bai bayyana karara cewa lallaine ita Zaida, shin da gaske tana da alaka da MANZON ALLAH (S.A.W) ko babu ba.

Shima Masanin Tarihi wanda Jaridar Al-Ousboue ta wallafa wannan labari bisa dogara da bayanansa, yayi amannar cewa lallai akwai alaka mai karfi a tsakani, domin yayi amfani da Zaida a matsayin ganuwarsa na bibiyar tsatson Elizabeth, har ya gano ta kasance Jikanyar MANZON ALLAH (S.A.W) ta 43.

Ya kara da cewa ” idan za mu iya dogara da bayanan asali na Spain na farkon-tsakiyar Karni. Dole ne a lura, duk da haka, yawancin majiyoyin mu daga zamanin jahiliyya, suna jayayya ko rashin tabbas, don haka ba zai yiwu a yi wani cikakken bayani ba. Mabuɗin haɗin bayanan sune:

A cikin shekarar 1023, Abu al-Qasim Muhammad ibn Abbad ya zama sarkin Seville a al-Andalus. A da shi ne Qaadi (alkali) wanda halifan Cordoba ya nada, amma ya kwace mulki ya kafa daularsa, wato Abbadidas.

Ta kasance zuriyar ANNABI MUHAMMAD (S.A.W) ta hanyar diyarsa Fatima kuma jikansa Hasan ibn Ali. A shekara ta 1091, Almoravids daga Morocco sun mamaye Musulmin Spain, kuma jikansa Al-Mu’tamid ibn Abbad ya rasa gadon sarautarsa. ‘Yarsa Zaida ta gudu daga arewa kuma ta fake a kotun Sarki Alfonso na shida na Leon. Ta zama uwargidansa – Sarki ya riga ya yi aure, amma matarsa ​​tana kwance da rashin lafiya. Daga baya Zaida ya koma Kiristanci, ta dauki sunan baftisma Isabella kuma – da matar sarki ta mutu – sai ita (Zaida) ta aure shi, ta haifa masa ‘ya’ya uku da muka sani.

A cikin shekara ta 1352 Maria de Padilla, zuriyar Zaida da Alfonso, ta zama uwargidan Sarki Peter ‘mai zalunci’ na Castille. Sun haifi ‘ya’ya hudu – biyu daga cikin ‘ya’yan mata sun auri ‘ya’yan Sarki Edward III na Ingila. Daga Isabella na Castille da Edmund, Duke na York ne Sarauniyar Burtaniya ta yanzu ta fito.

GA YADDA TSATSON NATA YA SAMO ASALI.

Elizabeth II, Sarauniyar Burtaniya – ‘yar George VI, Sarkin Burtaniya – ɗan George V, Sarkin Burtaniya – ɗan Edward VII, Sarkin Burtaniya – ɗan Victoria, Sarauniyar Ingila. Birtaniya – ‘yar Edward, Duke na Kent da Strathearn – dan George III, Sarkin Birtaniya – dan Frederick, Yariman Wales – dan George II, Sarkin Birtaniya – dan George I, Sarkin Birtaniya – ɗan Sophia, Zaɓaɓɓen Hanover – ‘yar Elizabeth ta Bohemia – ‘yar James I/VI, Sarkin Ingila, Ireland & Scotland – ɗan Maryamu, Sarauniyar Scots – ‘yar James V, Sarkin Scots – ɗan Margaret. Tudor – ‘yar Elizabeth ta York – ‘yar Edward IV, Sarkin Ingila – ɗan Richard Plantagenet, Duke na York – ɗan Richard na Conisburgh, Earl na Cambridge – ɗan Isabella Perez na Castille – ‘yar Maria Juana de Padilla – ‘yar Maria Fernandez de Henestrosa – ‘yar Aldonza Ramirez de Cifontes – ‘yar Aldonza Gonsalez G Black Iron- ‘yar Sancha Rodriguez de Lara – ‘yar Rodrigo Rodriguez de Lara – ɗan Sancha Alfonsez, Infanta na Castile – ‘yar Zaida (aka Isabella) – ‘yar Al-Mu’tamid ibn Abbad, Sarkin Seville – ɗan Abbad. II al-Mu’tadid, Sarkin Seville – dan Abu al-Qasim Muhammad ibn Abbad, Sarkin Seville – dan Ismail bn Qarais – dan Qarais bn Abbad – dan Abbad bn Amr – dan Amr bn Aslan – dan daga Aslan bn Amr – dan Amr bn Itlaf – dan Itlaf bn Na’im – dan Na’im II al-Lakhmi – dan Na’im al-Lakhmi – dan Zahra bint Husayn – ‘yar Husayn bn Hasan. dan Hasan bn Ali – dan Fatima – ‘yar ANNABI MUHAMMAD (SAW).

Ko da yake, wasu zasu iya kore wannan dangantaka, kasancewar fadin ALLAH a Suratul Ahzab (33:33)

إنما يريد الله ليذهب عنكم الرجس أهل البيت ويطهركم تطهيرا

Ma’ana: Lallai Abin sani kawai, ALLAH Yana nufin Ya tafiyar da (Duk) ƙazanta daga gare ku, yã mutãnen gidan ANNABI, kuma Ya tsarkake ku tsarkakewa.

Kuma ita ba ta kasance Musulma ba, baldai ta kasance “Ahlal Kitabi” saboda haka kai tsaye wannan aya na iya kore kowacce irin dangantaka tsakaninta da zamowa Jikar MANZON ALLAH (S.A.W), kuma ko da ace ta tabbata a tarihi hakane, to Waki’ar ANNABI NUHU (A.S) da Dansa shima na iya kore hakan, tunda ALLAH yace “إنه ليس من أهلك”

Ma’ana:- Shi baya daga cikin iyakanka.

Sannan mun sani Kristoci na yiwa ALLAH kishiya ta hanyar nasabta masa, ‘Da, da Mata, kuma ALLAH ya fadi a Suratu Tauba aya ta 28 “يا أيها الذين آمنوا إنما المشركون نجس”

Ma’ana Yaku wanda sukayi Imani, lallaine Mushrikai Najasane” kaga kuma ALLAH ya tsarkake Iyalan gidan MANZON ALLAH (S.A.W) daga kowacce irin Najasa, kamar yadda aya ta gabata akan haka, kenan Najasa bai zamowa daga Ahalin gidan MANZON ALLAH (S.A.W).

Sai dai abin lura shine “Ko ayayin da Turawa sukayi mamaya ga daular Musulunci a Salibiyyun a yankin Spain da (Andulus) Turkiya ayau, yazamo babu zabi ga duk wanda suka kama a matsayin bawa ko baiwa ko ya chanja Addini zuwa Kristanci ko kuma su kasheshi, dayawa daga Musulmai sun zabi su boye Musuluncinsu a zuci da yin ibadu a boye, ta hanyar bayyana Kristanci a fili (Ta siffar sutura da zuwa wajen Bauta), wanda wannan Dabi’a ta bisu wasunsu har zuwa yau, zaka samu Mutanen Turkey bazaka iya gane wasu daga Musulminsu ta hanyar sutura ba, ko da ace basu kasance suna Bayyana Kristanci ba, saboda yanci.

Domin dayawansu sun hardace Kur’anine da hadisan MANZON ALLAH (S.A.W) ta hanyar zuwa cikin daji, su shiga cikin kogo su buya. Ko ayayin da suka shigo cikin gari kuma su bayyana Kristanci a fili.

Saboda haka, lallai babu kwararan hujjoji na tabbatarwa ko kuma kore danganenta da MANZON ALLAH (S.A.W), Sai dai kame baki cikin sha’aninta, da barin fadin muggan zance shine mafi alkairi ga komai sabanin hakan.

ALLAH YA TABBATAR DAMU AKAN SHIRIYAR MANZON ALLAH (S.A.W) DUNIYA DA LAHIRA.

ALHAMDULILLAH.